سیف علی خان کو چھ دن بعد ہسپتال سے ڈسچارج کردیا گیا

بالی ووڈ اداکار سیف علی خان کو چھ دن بعد ہسپتال سے ڈسچارج کردیا گیا ہے۔اداکار نے ہسپتال سے نکلنے پر کیمرے کی جانب ہاتھ ہلایا۔
بھارتی میڈیا کے مطابق چاقو حملے میں زخمی ہونے پر سیف کی ریڑھ کی ہڈی کے قریب سرجری کی گئی تھی۔ ڈاکٹرز کا کہنا ہے سیف چلنے پھرنے کے قابل ہیں تاہم مکمل صحت مند ہونے میں ایک ماہ کا وقت لگے گا۔ادکار پر حملہ کرنے والا شخص پولیس کی حراست میں ہے۔
واضح رہے کہ ایک شخص نے ڈکیتی کی نیت سے سیف علی خان اور کرینہ کپور کے گھر میں گھسنے کی کوشش کی تھی۔ جب سیف نے گھسنے والے کا سامنا کیا تو حملہ آور نے ان پر چاقو سے حملہ کیا اور پھر موقع سے فرار ہوگیا تھا ۔
بعد ازاں پولیس نے ملزم کو گرفتار کرکے تفتیش شروع کر دی تھی۔