سعودی عرب کا 95 واں یوم وطنی پر عام تعطیل کا اعلان

سعودی عرب کی وزارت افرادی قوت و سماجی ترقی نے اعلان کیا ہے کہ مملکت کے 95 ویں یوم وطنی کے موقع پر عام تعطیل ہوگی۔

وزارت کی جانب سے جاری اعلامیے کے مطابق منگل، یکم ربیع الثانی 1447ھ (23 ستمبر 2025) کو سعودی عرب بھر میں سرکاری، نجی اور غیر منافع بخش ادارے بند رہیں گے۔

سعودی خبر رساں ادارے کے مطابق یوم وطنی ہر سال بھرپور جوش و جذبے کے ساتھ منایا جاتا ہے، جس میں مختلف تقریبات، آتش بازی اور ثقافتی سرگرمیوں کا اہتمام کیا جاتا ہے۔

دوسری جانب پاکستان کے وزیر دفاع خواجہ محمد آصف نے سعودی عرب کے وزیر دفاع کا ٹویٹ شیئر کرتے ہوئے دونوں ممالک کے تعلقات کو تاریخی قرار دیا۔ ان کا کہنا تھا کہ پاک-سعودی دفاعی معاہدہ ایک اہم سنگ میل ہے اور دونوں برادر ملک دشمن کے سامنے شانہ بشانہ کھڑے ہیں۔

انہوں نے اپنے پیغام میں کہا: “رب العزت کے سائے میں ہم مشترک دشمن کا مقابلہ کریں گے، انشاءاللہ امت مسلمہ متحد ہوگی۔ پاکستان زندہ باد، مسلم امہ پائندہ باد۔”