سندھ کی جامعات میں 16 سے 31 مارچ تک آن لائن کلاسز کا حکم

سندھ حکومت نے ایندھن کی بچت اور موجودہ عالمی حالات کے پیشِ نظر صوبے کی تمام سرکاری اور نجی جامعات میں 16 سے 31 مارچ تک سندھ کی جامعات میں آن لائن کلاسز کرانے کا فیصلہ کیا ہے۔ یہ اعلان وزیر جامعات سندھ اسماعیل راہو نے کیا اور کہا کہ اس اقدام کا مقصد بڑھتی ہوئی ایندھن کی قیمتوں کے اثرات کو کم کرنا اور تعلیمی سرگرمیاں جاری رکھنا ہے۔

وزیر جامعات اسماعیل راہو کے مطابق حکومت نے جامعات کی سرکاری گاڑیوں کے استعمال اور ایندھن کے کوٹے میں بھی 50 فیصد کمی کرنے کا فیصلہ کیا ہے۔ ان کا کہنا تھا کہ یہ اقدامات سرکاری اخراجات کم کرنے اور وسائل کو بہتر انداز میں استعمال کرنے کے لیے کیے جا رہے ہیں۔

انہوں نے بتایا کہ عالمی سطح پر پیدا ہونے والے بحران اور ایندھن کی قیمتوں میں اضافے کی وجہ سے حکومت کو سخت فیصلے کرنا پڑے ہیں۔ اسی وجہ سے اگلے دو ماہ تک تمام سرکاری محکموں کے ایندھن کے استعمال میں بھی 50 فیصد کمی کی جائے گی۔

مزید پڑھیں: لاہور ہائیکورٹ نے ہفتے میں 4 دن کام کرنے کا فیصلہ، باقاعدہ نوٹیفکیشن جاری

اسماعیل راہو نے ہدایت جاری کی کہ سندھ کی تمام جامعات اپنی 60 فیصد سرکاری گاڑیوں کو فوری طور پر گراؤنڈ کریں تاکہ غیر ضروری سفر اور ایندھن کے استعمال کو کم کیا جا سکے۔ اس اقدام سے حکومت کو اخراجات کم کرنے میں مدد ملے گی۔

واضح رہے کہ مشرق وسطیٰ میں جاری کشیدگی کے باعث ایندھن کی قیمتوں میں اضافے کے بعد پنجاب کے بعد سندھ حکومت نے بھی 16 سے 31 مارچ تک اسکول بند رکھنے کا فیصلہ کیا ہے، جبکہ تعلیمی سلسلہ جاری رکھنے کے لیے سندھ کی جامعات میں آن لائن کلاسز کرانے کا حکم دیا گیا ہے۔