جنوبی افریقی کرکٹر اینرخ کلاسن نے انٹرنیشنل کرکٹ سے ریٹائرمنٹ لے لی

جنوبی افریقا کے وکٹ کیپر بیٹر اینرخ کلاسن نے انٹرنیشنل کرکٹ سے ریٹائرمنٹ کا اعلان کر دیا۔

سوشل میڈیا پر جاری بیان میں انہوں نے اس فیصلے کو زندگی کا مشکل مگر ضروری قدم قرار دیا۔ کلاسن نے لکھا کہ ملک کی نمائندگی کرنا ان کے لیے سب سے بڑا اعزاز رہا، لیکن اب وقت ہے کہ وہ اپنی فیملی کو ترجیح دیں۔ انہوں نے ٹیم، ساتھی کھلاڑیوں اور مداحوں کا شکریہ ادا کیا۔

کلاسن نے اپنے کیریئر میں 4 ٹیسٹ، 60 ون ڈے اور 58 ٹی ٹوئنٹی میچز میں جنوبی افریقا کی نمائندگی کی۔