غزہ، لبنان اور شام کے متاثرین کیلئے 23ویں امدادی کھیپ روانہ

وزیراعظم کی ہدایت پر غزہ، لبنان اور شام کیلئے امداد کی فراہمی کا سلسلہ جاری، متاثرین کیلئے 23ویں امدادی کھیپ روانہ کر دی گئی۔

ترجمان این ڈی ایم اے نے بتایا کہ جناح انٹرنیشنل ائیرپورٹ کراچی سے ڈبہ پیک گوشت، خشک دودھ، کمبل، کپڑے، خیمے اور گرم بستر پر مشتمل 50 ٹن امدادی سامان غزہ، لبنان اور شام کے لیے روانہ کیا گیا ہے۔

ترجمان نے مزید بتایا کہ لبنان، غزہ اور شام کے لیے مجموعی طور پر 1 ہزار 803 ٹن امدادی سامان بھجوایا جا چکا ہے۔ حکومت پاکستان لبنان، فلسطین اور شام کی جنگ زدہ عوام کی ضروریات کے مطابق امدادی سامان بھیجنے کے سلسلے کو جاری رکھے ہوئے ہے۔