وفاقی حکومت نے یوم یکجہتی کشمیر پر عام تعطیل کا اعلان کردیا

وفاقی حکومت نے یوم یک جہتی کشمیر پر عام تعطیل کا اعلان کردیا ۔وزیراعظم کی منظوری کے بعد کابینہ ڈویژن نے نوٹیفکیشن جاری کر دیا۔
کل ملک بھر میں عام تعطیل ہوگی اور سرکاری دفاتر بند رہیں گے۔
اس سے قبل پنجاب اور سندھ کی صوبائی حکومتوں نے بھی یوم کشمیر کے موقع پر عام تعطیل کا اعلان کیا تھا۔ نوٹیفکیشن کے مطابق 5 فروری کو کشمیر ڈے کی مناسبت سے پرائیویٹ او سرکاری تعلیمی ادارے اور دفاتر بند رہیں گے۔
یاد رہے کہ بھارتی حکومت کے ظلم اور بابریت کا شکار کشمیری عوام سے اظہار یکجہتی کے لیے پاکستان میں ہر سال 5 فروری کو یوم یکجہتی کشمیر منایا جاتا ہے۔ اس موقع پر ملک کے تمام چھوٹے اور بڑے شہر میں ریلیاں نکالی جاتیں ہیں اور جلسے منعقد کیے جاتے ہیں جن میں شہری بڑی تعداد میں شرکت کر کے کشمیریوں سے اظہارِ یکجہتی کرتے ہے۔