اسرائیل اور حماس کے درمیان قیدیوں کا تیسرا تبادلہ مکمل ہوگیا

غزہ جنگ بندی معاہدے کے تحت اسرائیل اور حماس کے درمیان قیدیوں کا تیسرا تبادلہ مکمل ہوگیا۔

خبر ایجنسی کے مطابق حماس کے بعد اسرائیل نے بھی عوفر جیل سے ایک سو دس فلسطینی قیدی رہا کر دیئے۔ ہلال احمر کی بسیں فلسطینی قیدیوں کو لے کر روانہ ہوگئیں ہیں۔

اس سے قبل حماس نے تیسرے مرحلے میں آٹھ اسرائیلی یرغمالیوں کو رہا کر دیا تھا۔ رہا ہونے والوں میں پانچ غیر ملکی یرغمالی اور تین اسرائیلی شہری شامل ہیں۔

جنگ بندی معاہدے کے تحت حماس نے اسرائیل کی ایک اور خاتون فوجی اہلکار کو ہلال احمر کے حوالے کیا تھا۔ یرغمالیوں کو خان یونس کے علاقے میں شہید رہنما یحیی سنوار کے گھر کے قریب رہا کیا گیا۔