ٹرمپ نے ایلون مسک کی نئی سیاسی جماعت کو "مضحکہ خیز اور غیر ضروری” قرار دیدیا

نیوجرسی: سابق امریکی صدر ڈونلڈ ٹرمپ نے ایلون مسک کی جانب سے نئی سیاسی جماعت بنانے کے اعلان کو شدید تنقید کا نشانہ بناتے ہوئے اسے "مضحکہ خیز” اور "غیر ضروری” قرار دیا ہے۔

ایلون مسک نے گزشتہ روز سوشل میڈیا پلیٹ فارم "ایکس” پر اعلان کیا تھا کہ وہ "امریکا پارٹی” کے نام سے ایک نئی سیاسی جماعت قائم کر رہے ہیں، جس کا مقصد موجودہ نظام کو چیلنج کرنا اور عوام کو زیادہ آزادی دینا ہے۔

ٹرمپ نے صحافیوں سے گفتگو کرتے ہوئے کہا کہ تیسری پارٹی بنانا ایک فضول آئیڈیا ہے، اس سے صرف سیاسی الجھن بڑھے گی۔ اگر ایلون کو یہ سب کرنا اچھا لگتا ہے تو کریں، لیکن یہ قدم سراسر غیر ضروری ہے۔

ٹرمپ نے اس موقع پر یہ بھی کہا کہ حماس کے ساتھ ممکنہ معاہدے پر بات چیت جاری ہے، اور وہ جمعہ کو سیلاب زدہ ٹیکساس کا دورہ کر سکتے ہیں۔

یاد رہے کہ ایلون مسک ماضی میں ٹرمپ کے قریبی ساتھی رہے ہیں، اور انہیں ٹرمپ نے محکمہ برائے حکومتی کارکردگی کا سربراہ مقرر کیا تھا۔ بعد ازاں اختلافات کے باعث مسک نے عہدے سے استعفیٰ دے دیا تھا۔