امریکی صدر ڈونلڈ ٹرمپ کی نریندر مودی کو سالگرہ کی مبارکباد

امریکی صدر ڈونلڈ ٹرمپ نے بھارتی وزیرِاعظم نریندر مودی کو ان کی 75ویں سالگرہ پر فون کر کے مبارکباد دی۔ یہ دونوں رہنماؤں کے درمیان جون 2025 کے بعد پہلا براہِ راست رابطہ تھا۔

وائٹ ہاؤس اور بھارتی وزارتِ خارجہ کے مطابق، فون کال کے دوران صدر ٹرمپ نے مودی کی قیادت کو سراہتے ہوئے کہا کہ وہ "قابلِ تعریف کام کر رہے ہیں۔”

صدر ٹرمپ نے اس امید کا اظہار بھی کیا کہ آنے والے دنوں میں امریکا اور بھارت تجارتی تعلقات کو مزید وسعت دے کر نئی بلندیوں تک پہنچائیں گے۔

وزیرِاعظم مودی نے امریکی صدر کا شکریہ ادا کرتے ہوئے کہا کہ بھارت امریکا کے ساتھ تعلقات کو مزید مضبوط بنانے کے لیے پرعزم ہے۔ دونوں ممالک کے حکام کے مطابق گفتگو دوستانہ اور تعمیری ماحول میں ہوئی، جس میں دوطرفہ تعلقات کو اہم قرار دیا گیا۔