بجلی فی یونٹ مہنگی ہونے کا امکان

بجلی ایک بار پھر مہنگی ہونے کا امکان ہے۔ ماہانہ فیول ایڈجسٹمنٹ کی مد میں بجلی کی قیمت میں 10 پیسے فی یونٹ اضافے کی تجویز دی گئی ہے۔

سینٹرل پاور پرچیزنگ ایجنسی (سی پی پی اے) نے نیپرا کو مئی 2025 کے لیے ماہانہ ایڈجسٹمنٹ کی درخواست جمع کروا دی ہے۔ درخواست کے مطابق، مئی میں 12 ارب 75 کروڑ یونٹس سے زائد بجلی پیدا کی گئی، جس کی اوسط لاگت 7 روپے 49 پیسے فی یونٹ رہی۔ جب کہ ریفرنس لاگت 7 روپے 39 پیسے فی یونٹ مقرر کی گئی تھی۔

نیپرا اس درخواست پر 30 جون کو سماعت کرے گا، جس کے بعد حتمی فیصلہ جاری کیا جائے گا۔