تحریک انصاف کا قومی سلامتی کی پارلیمانی کمیٹی میں شرکت کے حوالے سے اہم کا فیصلہ

اسلام آباد: پاکستان تحریک انصاف (پی ٹی آئی) نے قومی سلامتی کی پارلیمانی کمیٹی میں شرکت کا فیصلہ کر لیا ہے۔

تفصیلات کے مطابق پی ٹی آئی نے کمیٹی میں شرکت کیلئے بیرسٹر گوہر، عمر ایوب، اسد قیصر، اور زرتاج گل کے نام بھجوائے ہیں۔ پی ٹی آئی کے 14 ارکان کو قومی سلامتی کمیٹی میں نامزد کیا گیا ہے، اور اس فہرست کو پی ٹی آئی کے چیف وہیپ عامر ڈوگر نے اسپیکر کو ارسال کر دیا ہے۔

قومی سلامتی کی پارلیمانی کمیٹی کا ان کیمرہ اجلاس کل طلب کیا گیا ہے، جس میں عسکری قیادت اور انٹیلی جنس سربراہان شریک ہوں گے۔ یہ اجلاس صبح 11 بجے شروع ہوگا، جسے وزیراعظم شہباز شریف کی ایڈوائس پر اسپیکر ایاز صادق نے طلب کیا ہے۔

اجلاس کی صدارت اسپیکر ایاز صادق کریں گے، اور اس میں وزیراعظم، عسکری قیادت، اور انٹیلی جنس سربراہان شرکت کریں گے۔ اجلاس میں سیکیورٹی کی موجودہ صورتحال پر بریفنگ دی جائے گی، اور عسکری قیادت پارلیمانی کمیٹی کے ارکان کو ملک کی سیکیورٹی صورتحال سے آگاہ کرے گی۔