شمسی توانائی سے چارج ہونے والا لیپ ٹاپ، قیمت بھی سامنے آگئی

چین کی ٹیکنالوجی کمپنی "لینووو” نے 20 منٹ میں شمسی توانائی سے چارج ہونے والے نئے تصوراتی لیپ ٹاپ کا اعلان کیا ہے۔

غیر ملکی خبر رساں ادارے کے مطابق، یہ اعلان حالیہ موبائل ورلڈ کانگریس میں کیا گیا، جہاں کمپنی نے صارفین کو "ورک فرام سن” کی جانب راغب کرنے کی کوشش کی۔

رپورٹ کے مطابق، یہ لیپ ٹاپ "یوگا سولر پی سی” کہلائے گا، مگر اس کی پروڈکشن اور دستیابی کے حوالے سے ابھی تک کوئی تفصیلات نہیں دی گئی ہیں۔ تاہم، اس کا تصور پہلی بار 2023 میں موبائل ورلڈ کانگریس میں پیش کیا گیا تھا، اور اب یہ جون 2025 میں 3499 ڈالرز کی قیمت پر دستیاب ہوگا۔

اس لیپ ٹاپ کا اہم فیچر یہ ہے کہ یہ صرف 20 منٹ میں سورج کی روشنی سے چارج ہو جائے گا، جو ایک گھنٹے کا ویڈیو پلے بیک فراہم کر سکے گا۔ اس کی موٹائی صرف 15 ملی میٹر ہوگی اور وزن 1.22 کلو سے کم ہو گا۔

لیپ ٹاپ کی پشت پر شمسی پینلز نصب ہوں گے جو روشنی کے کسی بھی ذریعے سے چارج کر سکیں گے، مگر زیادہ تر سورج کی روشنی ہی استعمال کریں گے۔ اس میں ایک ڈائنامک سولر ٹریکنگ سسٹم بھی موجود ہوگا، جو صارف کو بتائے گا کہ سولر پینل کتنی توانائی پیدا کر رہا ہے۔

اس نئی ٹیکنالوجی کے ساتھ، "لینووو” نے شمسی توانائی سے چلنے والے آلات کی دنیا میں ایک نیا قدم رکھا ہے۔