اداکارہ عفت عمر نے پنجاب حکومت کی پیشکش مسترد کر دی

معروف اداکارہ اور ماڈل عفت عمر نے پنجاب حکومت کی جانب سے کلچرل ایڈوائزر بننے کی پیشکش قبول کرنے سے معذرت کر لی ہے۔

عفت عمر نے پنجاب حکومت کی اس پیشکش کو قبول کرنے سے انکار کی کوئی وجہ نہیں بتائی۔

پنجاب حکومت نے انہیں صوبے میں ثقافتی سرگرمیوں کی بحالی اور فروغ کے لیے کلچرل ایڈوائزر مقرر کرنے کی پیشکش کی تھی۔ اس سے قبل یہ خبریں زیرِ گردش تھیں کہ وہ اس عہدے پر کام کریں گی، تاہم انہوں نے واضح طور پر انکار کر دیا ہے۔