لیگی کارکنوں نے ایون فیلڈ پہنچنے پر نواز شریف کا شاندار استقبال کیا

لندن : سابق وزیراعظم نواز شریف لوٹن ائیرپورٹ سے ایون فیلڈ ہاؤس پہنچ گئے۔ ایون فیلڈ پہنچنے پر لیگی کارکنان کی طرف سے اپنے قائد کا شاندار استقبال کیا گیا۔

ایون فیلڈ کے باہر ن لیگ اور پی ٹی آئی کے کارکن آمنے سامنے آئے، دونوں پارٹیوں کے ورکرز نے ایک دوسرے کے خلاف نعرے بازی کی۔ لندن پولیس پی ٹی آئی کے کارکنان کو حراست میں لے کر اپنے ساتھ لے گئی ہے۔

فیملی ذرائع کے مطابق سابق وزیر اعظم لندن میں چند دن قیام کریں گے۔ وہ لندن قیام کے دوران اپنا طبعی معائنہ بھی کروائیں گے۔ اس کے علاوہ سابق وزیر اعظم پارٹی کارکنان سے ملاقاتیں بھی کریں گے اور ممکنہ طور پر ورکز کنونشن سے خطاب بھی کریں گے۔