نوشہرہ میں دھماکہ! جے یو آئی (س) کے سربراہ شہید!

نوشہرہ: دارالعلوم حقانیہ اکوڑہ خٹک کی جامع مسجد میں نماز جمعہ کے دوران ہونے والے خود کش دھماکے میں 5 افراد شہید جبکہ 20 زخمی ہوئے ہیں۔

آئی جی خیبر پختونخوا کے مطابق جے یو آئی (س) کے سربراہ اور مدرسے کے نائب مہتمم مولانا حامد الحق حقانی بھی دھماکے میں شہید ہوگئے ہیں۔ انہوں نے بتایا کہ دھماکہ اگلی صفوں میں ہوا ہے۔

زخمیوں کو طبی امداد کیلئے ہسپتال منتقل کیا جا رہا ہے۔ مقامی پولیس ریسکیو ٹیمیں امدادی کاروائیوں میں مصروف ہیں۔ دھماکے کی اطلاع ملتے ہی پولیس اور سیکیورٹی اداروں نے علاقہ کو گھیرے میں لے لیا تھا۔

دارالعلوم حقانیہ نوشہرہ دھماکے کے بعد کمشنر پشاور نے پشاور اور نوشہرہ کے اسپتالوں میں ایمرجنسی کے احکامات جاری کر دیے۔ کمشنر پشاور نے ڈویژن کے اسپتالوں میں طبی عملے اور ادویات کی فراہمی یقینی بنانے کی ہدایت کی ہے۔