واٹس ایپ کا دلچسپ نیا فیچر،بڑی پریشانی کا حل

واٹس ایپ نے اپنے صارفین کی سہولت کے لیے ایک نیا اور مفید فیچر متعارف کرانے کا فیصلہ کیا ہے، جسے "چیٹ میڈیا ہب” کا نام دیا گیا ہے۔ یہ فیچر خاص طور پر ان صارفین کے لیے کارآمد ہوگا جو مختلف چیٹس میں شیئر کی گئی میڈیا فائلز کو تلاش کرتے وقت مشکل کا سامنا کرتے ہیں۔

ذرائع کے مطابق یہ فیچر واٹس ایپ ویب ورژن کے لیے تیار کیا جا رہا ہے۔ اس نئے فیچر کے ذریعے تصاویر، ویڈیوز، ڈاکیومنٹس، جفس اور لنکس ایک الگ سیکشن میں دستیاب ہوں گی، جس سے صارفین کو ان فائلز کو تلاش کرنے میں آسانی ہوگی۔

چیٹ میڈیا ہب کو ویب ورژن کی سائیڈبار میں ایک نیا بٹن دے کر شامل کیا جائے گا۔ اس بٹن پر کلک کرنے سے ایک نیا انٹرفیس کھلے گا، جہاں تمام اقسام کی میڈیا فائلز ایک ہی جگہ پر منظم انداز میں دکھائی دیں گی، چاہے وہ کسی بھی چیٹ سے تعلق رکھتی ہوں۔

یہ فیچر ان صارفین کے لیے خاص طور پر مددگار ثابت ہوگا جو اکثر یہ بھول جاتے ہیں کہ کون سی فائل کس چیٹ میں شیئر کی گئی تھی۔ اب بغیر وقت ضائع کیے، صرف میڈیا ہب کھولیں اور مطلوبہ فائل باآسانی تلاش کریں۔

ابھی تک اس فیچر کو باضابطہ طور پر تمام صارفین کے لیے جاری نہیں کیا گیا، تاہم یہ جلد ہی بیٹا ورژن میں دستیاب ہونے کا امکان ہے۔ واٹس ایپ کی یہ کاوش صارف کے تجربے کو مزید بہتر بنانے کی ایک اور مثال ہے۔