پاکستان نے ہیرو کو زیرو بنایا، خلیل الرحمان قمر بھارت میں کام کرنے پر آمادہ

معروف مصنف اور اسکرین رائٹر خلیل الرحمان قمر نے حالیہ پوڈکاسٹ میں انکشاف کیا ہے کہ انہوں نے بھارت میں کام نہ کرنے کا اپنا فیصلہ تبدیل کر لیا ہے۔

ان کا کہنا تھا کہ وہ اب بھارتی پیشکشوں کے لیے تیار ہیں کیونکہ انہیں بھارت کے مداحوں اور فنکاروں سے اپنی قوم کے مقابلے میں زیادہ محبت اور عزت ملی ہے۔

خلیل الرحمان قمر نے جذباتی انداز میں کہا کہ انہوں نے پاکستان کے لیے اپنی اولاد سے بھی زیادہ قربانیاں دیں، مگر یہاں کے لوگوں کا رویہ انہیں دکھی کر گیا۔

انہوں نے افسوس کا اظہار کرتے ہوئے کہا کہ پاکستان اکثر اپنے ہیروز کو زیرو بنا دیتا ہے، جبکہ بھارتی مداحوں نے ان کے فن کو بھرپور سراہا اور انہیں وہ عزت دی جو اپنے ملک میں نہیں ملی۔