چیف جسٹس کا ڈیرہ اسماعیل خان جیل کا دورہ، قیدیوں کے مسائل سنے

اسلام آباد: چیف جسٹس آف پاکستان کا ڈیرہ اسماعیل خان جیل کا دورہ، جسٹس یحییٰ آفریدی نے قیدیوں کے مسائل سنے۔

اعلامیے کے مطابق چیف جسٹس نے جیل میں مختلف بیرکس کا دورہ کیا اور قیدیوں کو میسر صحت سہولیات کا جائزہ لیا۔ جسٹس یحییٰ آفریدی کا دورہ ریفارمز پالیسی کا حصہ تھا۔

اعلامیے میں مزید کہا گیا کہ چیف جسٹس نے ڈیرہ اسماعیل خان میں ڈسٹرکٹ اینڈ سیشن ججز سے بھی ملاقات کی، ملاقات میں ٹانک اور وزیرستان سے ضلعی عدلیہ کے ججز نے بھی شرکت کی۔

اس موقع پر چیف جسٹس نے کہا کہ دور دراز اور پسماندہ علاقوں میں اصلاحات ترجیح ہیں۔