سونے کی قیمت میں ایک بار پھر اضافہ

کراچی: بین الاقوامی مارکیٹ میں فی اونس سونا 3 ڈالر مہنگا ہو کر 3,244 ڈالر کی سطح پر پہنچ گیا، جس کے اثرات مقامی صرافہ بازاروں میں بھی دیکھنے میں آئے۔

مقامی مارکیٹ میں 24 قیراط فی تولہ سونا 300 روپے اضافے کے بعد 3 لاکھ 42 ہزار 800 روپے کا ہو گیا، جبکہ 10 گرام سونا 257 روپے مہنگا ہو کر 2 لاکھ 93 ہزار 895 روپے تک پہنچ گیا۔

دوسری جانب، چاندی کی قیمتوں میں کوئی ردوبدل نہیں ہوا۔ فی تولہ چاندی بدستور 3 ہزار 410 روپے اور 10 گرام چاندی 2 ہزار 923 روپے پر مستحکم رہی۔