وزیراعظم یوتھ لیپ ٹاپ اسکیم 2025: HEC نے صوبائی میرٹ لسٹ جاری کر دی

ٹنڈوجام: پاکستان ہائیر ایجوکیشن کمیشن (HEC) نے وزیراعظم یوتھ لیپ ٹاپ اسکیم 2025 کے تحت صوبائی سطح پر میرٹ لسٹ جاری کر دی ہے، جس میں سندھ بھر کے اہل طلبہ کے نام شامل ہیں۔ اس فہرست میں سندھ زرعی یونیورسٹی ٹنڈوجام کے طلبہ بھی شامل ہیں۔

HEC کی جانب سے جاری کی گئی اس فہرست میں طلبہ کی اہلیت کا اسٹیٹس جانچنے کے لیے ایک آن لائن پورٹل بھی فراہم کیا گیا ہے۔ امیدوار اس پورٹل کے ذریعے یہ معلوم کر سکتے ہیں کہ آیا ان کا نام اہل افراد کی فہرست میں شامل ہے، ویٹنگ لسٹ میں رکھا گیا ہے یا وہ کسی وجہ سے نا اہل قرار دیے گئے ہیں۔

سندھ زرعی یونیورسٹی کے ترجمان کا کہنا ہے کہ یونیورسٹی نے میرٹ ڈیٹا طلبہ کی سہولت کے لیے آفیشل نوٹس بورڈز، ویب سائٹ، اور سوشل میڈیا پر نامزد اسٹوڈنٹ فوکل پرسنز (SFPs) کے ذریعے شیئر کر دیا ہے۔

ترجمان کے مطابق میرٹ لسٹ پر اعتراضات داخل کرانے کی آخری تاریخ 4 جولائی 2025 مقرر کی گئی ہے۔ جن طلبہ کو یقین ہے کہ ان کا نام کسی غلطی کی وجہ سے فہرست میں شامل نہیں ہو سکا، وہ متعلقہ فوکل پرسن سے فوری رابطہ کریں اور ضروری دستاویزات فراہم کریں۔

یونیورسٹی انتظامیہ نے طلبہ پر زور دیا ہے کہ وہ جلد از جلد اپنی حیثیت کی تصدیق کریں تاکہ اسکیم سے فائدہ حاصل کرنے میں کوئی رکاوٹ نہ ہو۔

طریقہ کار برائے میرٹ لسٹ چیک کرنا:

1. HEC کی سرکاری ویب سائٹ پر جائیں: https://hec.gov.pk

2. "PM Youth Laptop Scheme 2025” پر کلک کریں

3. اپنا شناختی کارڈ نمبر یا طالب علم کا شناختی نمبر درج کریں