بجلی کے نرخوں میں کمی، پاکستان اسٹاک ایکسچینج کا 100 انڈیکس ریکارڈ بلندی پر بند

بجلی کے نرخوں اور مہنگائی میں کمی کے اثرات کے باعث پاکستان اسٹاک ایکسچینج کا 100 انڈیکس ریکارڈ بلندی پر بند ہوا۔

پاکستان اسٹاک ایکسچینج میں آج 100 انڈیکس 1131 پوائنٹس کے اضافے سے 118,938 پر بند ہوا۔ 100 انڈیکس کاروباری دن کے دوران 1671 پوائنٹس کے بینڈ میں رہا، جبکہ مارکیٹ میں 42 کروڑ شیئرز کے سودے 28 ارب روپے میں طے ہوئے۔ مارکیٹ کیپٹلائزیشن 116 ارب روپے کے اضافے سے 14,491 ارب روپے تک پہنچ گئی۔

دوسری جانب انٹربینک مارکیٹ میں کاروبار کے اختتام پر ڈالر کا بھاؤ 280 روپے 56 پیسے رہا، جبکہ اوپن مارکیٹ میں ڈالر کی قیمت 8 پیسے کے اضافے سے 281.99 روپے تک پہنچ گئی۔