وزیراعظم شہباز شریف وفد کے ہمراہ سعودی عرب پہنچ گئے

وزیراعظم شہباز شریف وفد کے ہمراہ سعودی عرب پہنچ گئے۔ گورنر جدہ شہزادہ سعود بن عبداللہ بن جلاوی نے اُن کا استقبال کیا۔

اس موقع پر پاکستانی سفیر احمد فاروق، قونصل جنرل خالد مجید اور دیگر سفارتی عملہ بھی موجود تھا۔

وزیراعظم شہباز شریف سعودی ولی عہد شہزادہ محمد بن سلمان سے ملاقات کریں گے۔ ملاقات میں پاکستان میں سعودی سرمایہ کاری کے فروغ سمیت دیگر امور پر گفتگو کی جائے گی۔

وزیراعظم شہباز شریف عمرہ کی سعادت بھی حاصل کرینگے اور روضہ رسولؐ پر حاضری بھی دینگے۔