پاکستان کے فاسٹ بولر نے ٹی 20 کرکٹ میں اہم اعزاز حاصل کرلیا

پاکستان کے فاسٹ بولر شاہین شاہ آفریدی نے ٹی 20 کرکٹ میں 300 وکٹیں حاصل کرنے کا اعزاز حاصل کیا ہے۔ یہ سنگ میل پی ایس ایل 10 میں اسلام آباد یونائیٹڈ کے خلاف میچ میں لاہور قلندرز کے کپتان شاہین آفریدی نے اپنی شاندار بولنگ سے عبور کیا۔

شاہین آفریدی نے صاحبزادہ فرحان کو آؤٹ کرکے ٹی 20 کرکٹ میں 300 وکٹوں کا سنگ میل عبور کیا۔ وہ ٹی 20 کرکٹ میں 300 وکٹیں حاصل کرنے والے ساتویں پاکستانی بولر بن گئے ہیں۔ اس سے قبل یہ اعزاز وہاب ریاض، سہیل تنویر، محمد عامر، عماد وسیم، شاہد آفریدی اور شاداب خان حاصل کرچکے ہیں۔

پاکستان کے ان کھلاڑیوں کی ٹی 20 میں وکٹوں کی تعداد درج ذیل ہے:

• وہاب ریاض: 344 اننگز میں 413 وکٹیں

• سہیل تنویر: 381 میچوں میں 389 وکٹیں

• محمد عامر: 315 اننگز میں 371 وکٹیں

• عماد وسیم: 353 وکٹیں

• شاہد آفریدی: 347 وکٹیں

• شاداب خان: 336 وکٹیں