آپریشن بنیان مرصوص کی تکمیل کا اعلان

آئی ایس پی آر کے مطابق آپریشن بنیان مرصوص کامیابی سے مکمل ہوا۔ 22 اپریل سے 10 مئی تک آپریشن کو معرکہ حق کا نام دیا گیا ہے۔

آئی ایس پی آر کے مطابق 6 سے 10 مئی تک کارروائی آپریشن بنیان مرصوص کا حصہ تھا۔ آئی ایس پی آر کے مطابق بھارتی اشتعال انگیزی سے خواتین، بچے اور بوڑھے شہید ہوئے۔ بھارتی فوج نے شہری آبادی کو جان بوجھ کر نشانہ بنایا۔

آئی ایس پی آر کے مطابق مسلح افواج اللہ تعالی کی شکر گزار ہے اور ہم عاجزی سے اللہ کے حضور سر جھکاتے ہیں۔ بھارت سے معرکے کے دوران نوجوانوں نے سائبر محاذ پر بھرپور جنگ لڑی۔ قوم کے حوصلے اور دعاوں نے افواج پاکستان کو ناقابل شکست قوت دی اور دشمن کے خلاف کامیابی حاصل کی۔

آئی ایس پی آر کے مطابق مسلح افواج نے بھارتی فوج کی جارحیت کا منہ توڑ جواب دیا اور اپنے شہدا کا بدلہ لیا۔ بھارتی حملوں میں زخمی ہونے والوں کی جلد صحتیابی کیلئے دعا گو ہیں۔