حکومت کی خواتین کیلئے مفت الیکٹرک اسکوٹی اسکیم، اپلائی کیسے کریں؟

سندھ حکومت نے خواتین کی نقل و حرکت کو آسان بنانے اور انہیں خودمختار بنانے کیلئے "پنک ای وی اسکوٹی اسکیم” کا آغاز کر دیا ہے۔

یہ اقدام محکمہ ٹرانسپورٹ اور ماس ٹرانزٹ کی جانب سے کیا گیا ہے، جس کے تحت طالبات اور کام کرنے والی خواتین کو مفت الیکٹرک اسکوٹیاں فراہم کی جائیں گی۔

اہلیت کا معیار:

درخواست گزار سندھ کا مستقل رہائشی ہو۔ طالبہ یا ملازمت پیشہ خاتون ہونا چاہیے۔ خواتین موٹر سائیکل یا کار کا درست ڈرائیونگ لائسنس رکھتی ہو۔

واضح رہے کہ اسکوٹی کو کم از کم 7 سال تک فروخت یا کرائے پر نہیں دیا جا سکتا۔ اسکوٹیاں شفاف قرعہ اندازی کے ذریعے تقسیم کی جائیں گی، جس میں میڈیا بھی موجود ہوگا۔ قرعہ اندازی کی نگرانی کے لیے ایک کمیٹی قائم کی جائے گی، جس میں محکمہ ایکسائز، ٹرانسپورٹ، خزانہ اور میڈیا کے نمائندے شامل ہوں گے۔ منتخب امیدواروں کو روڈ سیفٹی کا اسکل ٹیسٹ دینا ہوگا۔

درخواست دینے کا طریقہ:

سندھ ماس ٹرانزٹ اتھارٹی کی ویب سائٹ پر جائیں۔

"Projects” سیکشن پر کلک کریں۔

"EV Scooty Ballot Form – Application Form” پر کلک کریں۔

فارم پُر کریں، مطلوبہ دستاویزات منسلک کریں اور جمع کروائیں۔