بلاول بھٹو نے حکومت چھوڑنے کی دھمکی دیدی

حیدرآباد: چیئرمین پاکستان پیپلز پارٹی بلاول بھٹو زرداری نے کہا کہ حکومت کینال کے متنازع منصوبے سے دستبردار ہوجائے ورنہ ہم اُن کا ساتھ چھوڑ دیں گے۔

حیدر آباد میں جلسے سے خطاب کرتے ہوئے چیئرمین پیپلز پارٹی نے کہا کہ پانی کی منصفانہ تقسیم قومی مسئلہ ہے۔ میں حکومت کو خبردار کرتا ہوں کہ کسی غلط فہمی میں نہ رہے۔ میں اپنے عوام کے ساتھ کھڑا ہوں۔ انہوں نے کہا کہ میں اپنے عوام کو نہیں چھوڑ سکتا آپ اپنا منصوبہ چھوڑ دیں۔

بلاول نے مزید کہا کہ تاریخ میں پہلی بار عدم اعتماد لیکر آئے اور دو کینال بنانے والے بانی پی ٹی آئی کو گھر بھیج دیا۔ انہوں نے کہا کہ ہم پاکستان ناکھپے کہنے والے نہیں۔ اسلام آباد والے اندھے اور بہرے ہیں۔ جو کینالز بنارہے ہیں وہ اسلام آباد میں بیٹھے ہیں۔

شہباز شریف کو حیدرآباد کے عوام کا شکریہ ادا کرنا چاہئے۔ جنہوں نے اُن کو دو دفعہ وزیراعظم بنایا۔ ہم آپ کی وزارتوں کو لات مارتے ہیں۔ وزارتیں نہیں چاہیئں عوام کا مطالبہ منظور کریں۔