بھارتی فوج کا شرمناک منصوبہ: مقبوضہ کشمیر میں پاکستانی شہریوں کے جعلی انکاؤنٹرز کی تیاری

سیکیورٹی ذرائع کے مطابق بھارتی فوج اور خفیہ ایجنسیاں ایک سنگین اور غیر انسانی منصوبے پر کام کر رہی ہیں، جس کے تحت مقبوضہ کشمیر میں غیر قانونی طور پر قید معصوم پاکستانی شہریوں کو جعلی انکاؤنٹرز میں قتل کیا جائے گا۔

ذرائع کے مطابق کئی پاکستانی شہری اس وقت بھارتی ایجنسیوں کی حراست میں ہیں جنہیں بغیر کسی قانونی کارروائی کے قید رکھا گیا ہے۔ منصوبے کے مطابق ان قیدیوں کو مار کر اُن پر دہشتگردی کا الزام عائد کیا جائے گا اور انہیں سرحد پار سے آئے ہوئے دہشتگرد ظاہر کیا جائے گا۔

اس منصوبے کے تحت بھارتی میڈیا کو پہلے سے ان افراد کی لاشوں، پلانٹ کیے گئے ہتھیاروں، اور جھوٹی ویڈیوز و تصاویر فراہم کی جائیں گی تاکہ ایک منظم پروپیگنڈا چلایا جا سکے۔ روایتی انداز میں بھارتی میڈیا ان افراد کو پاکستان سے آئے دہشتگرد قرار دے گا۔