بھارت عالمی سطح پر شرمندگی کے بعد جعلی خبروں کے ذریعے حقائق چھپانے میں مصروف

حال ہی میں عالمی سطح پر مارکہ حق کے دوران بھارت کو شدید ذلت اور شرمندگی کا سامنا کرنا پڑا ہے۔ اس شکست کے باوجود بھارتی حکومت کی سرپرستی میں چلنے والے جعلی خبریں پھیلانے والے ادارے اور پروپیگنڈا مشینری مسلسل غلط معلومات اور جھوٹے بیانیے گھڑنے میں مصروف ہیں۔

بھارتی میڈیا کے مطابق امریکی صدر ڈونلڈ ٹرمپ نے پاکستانی فوج کے سربراہ فیلڈ مارشل عاصم منیر سے ملاقات میں پانچویں نسل کے جدید لڑاکا طیارے فراہم کرنے کے عوض پاکستان سے فوجی اڈے اور سمندری بندرگاہیں حاصل کرنے کی درخواست کی۔ علاوہ ازیں، انہوں نے مزید مالی امداد کے ساتھ نئے سیکورٹی اور تجارتی معاہدوں کی بھی پیشکش کی۔

ماہرین کا کہنا ہے کہ سفارتی اور سیاسی میدان میں ناکامی کے بعد بھارت اب اپنے آخری حربے یعنی جعلی نیوز فیکٹریز کا سہارا لے رہا ہے تاکہ اپنی ناکامیوں کو چھپایا جا سکے۔

دوسری جانب، گزشتہ تین روز میں امریکہ اور پاکستان کے تعلقات میں نمایاں بہتری دیکھی گئی ہے، جو بھارت نے تین دہائیوں میں حاصل نہیں کی۔