دعا ہے سب کی عید خوشیوں اور بریانی سے بھرپور ہو، شاہ رخ خان کا عید پر پیغام

بالی وڈ سپر اسٹار شاہ رخ خان نے اپنے مداحوں کیلئے سوشل میڈیا پر عید مبارک کا پیغام شئیر کیا ہے۔

شاہ رخ خان نے سوشل میڈیا پلیٹ فارم ایکس پر پیغام شیئر کرتے ہوئے کہا، "دعا ہے کہ سب کی عید خوشیوں، گرمجوشی اور بریانی سے بھرپور ہو اور اللہ کی مہربانی سب پر ہو۔”

شاہ رخ خان کے عید کے پیغام پر مداحوں نے خوشی کا اظہار کیا اور تبصروں کی بھرمار کر دی۔

بھارتی میڈیا کے مطابق، شاہ رخ خان اس وقت اپنی نئی فلم "کنگ” کی تیاریوں میں مصروف ہیں، جو ایک ایکشن سے بھرپور فلم ہوگی۔ اس فلم کی ہدایت کاری سدھارتھ آنند کر رہے ہیں، اور اس کی شوٹنگ مئی میں شروع ہوگی۔ رپورٹس کے مطابق، شاہ رخ خان نے اپنے کردار کیلئے وزن بھی کم کیا ہے۔

فلم "کنگ” میں شاہ رخ خان کے ساتھ ان کی بیٹی سہانا خان، ابھیشیک بچن اور ابھے ورما مرکزی کردار ادا کریں گے۔ یہ فلم 2026 میں ریلیز کی جائے گی۔