دُلہن کون ہے؟ ایمن اور منال پر سوشل میڈیا صارفین کی تنقید!

پاکستانی جڑواں بہنیں اور معروف اداکارائیں ایمن اور منال خان ایک بار پھر سوشل میڈیا پر موضوعِ بحث بن گئی ہیں۔ حال ہی میں ان کے بھائی معاذ خان کی شادی کی تقریبات منعقد ہوئیں، جن کی تصاویر اور ویڈیوز انٹرنیٹ پر تیزی سے وائرل ہو رہی ہیں۔

معاذ خان اور ان کی اہلیہ صبا کا نکاح کچھ عرصہ قبل ہو چکا تھا، جبکہ حالیہ دنوں میں مہندی، بارات اور ولیمے کی تقریبات منعقد کی گئیں۔ ان تقریبات میں ایمن اور منال نے بھی بھرپور انداز میں شرکت کی۔

منال خان نے ولیمے کے موقع پر سنہری رنگ کی خوبصورت میکسی زیب تن کی، جس پر باریک دبکا، سیکوئنز اور شاندار کڑھائی کی گئی تھی۔ منال نے اس لباس کے ساتھ ڈائمنڈ جیولری سیٹ پہنا اور ہلکے میک اپ اور ہائی پونی ٹیل کے ساتھ اپنا لک مکمل کیا۔

ایمن خان نے ولیمے میں منٹ گرین سلک لباس کا انتخاب کیا، جس پر نفیس دبکا ورک اور ہلکی کڑھائی موجود تھی۔ انہوں نے کھلے بالوں کے ساتھ سادہ مگر خوبصورت انداز اپنایا۔

دونوں بہنوں نے اپنی بھابھی صبا معاذ خان کے ساتھ خوشگوار موڈ میں تصاویر بھی کھنچوائیں، جو سوشل میڈیا صارفین کی توجہ کا مرکز بن گئیں۔ تاہم، کچھ صارفین نے تنقید کرتے ہوئے کہا کہ ایمن اور منال کے لباس دلہن کے لباس سے مشابہت رکھتے تھے، جس سے تقریب کی توجہ اصل دلہن سے ہٹ گئی۔

سوشل میڈیا پر یہ بحث جاری ہے کہ مہمانوں کو شادیوں میں کیا پہننا چاہیے، اور کیا قریبی رشتہ داروں کو دلہن جیسے لباس سے گریز کرنا چاہیے یا نہیں۔