سابق بھارتی کرکٹر سنجے بانگر کی بیٹی انایا کا ویمنز کرکٹ میں کھیلنے کی اجازت کا مطالبہ

سابق بھارتی کرکٹر اور کوچ سنجے بانگر کی بیٹی انایا بانگر نے بی سی سی آئی اور آئی سی سی سے مطالبہ کیا ہے کہ ٹرانس جینڈر کھلاڑیوں کو ویمنز کرکٹ کھیلنے کی اجازت دی جائے۔

انایا، جنہوں نے نومبر 2024 میں جنس تبدیلی کروائی، نے انسٹاگرام پر ایک ویڈیو میں بتایا کہ ان کے میڈیکل ٹیسٹ یہ ثابت کرتے ہیں کہ اب ان کا جسم خواتین اتھلیٹس جیسا ہے۔ انایا نے کہا:
"سائنس نے ثابت کیا ہے کہ میں ویمنز کرکٹ کھیل سکتی ہوں، سوال یہ ہے کہ کیا دنیا سچ ماننے کے لیے تیار ہے؟”

انایا اپنے میڈیکل رپورٹس بی سی سی آئی اور آئی سی سی کو پیش کرنے کے لیے بھی تیار ہیں تاکہ قانون میں تبدیلی کی راہ ہموار ہو۔ ان کا کہنا تھا کہ ان کا مقصد صرف خوف اور امتیاز کو ختم کرنا ہے۔

یاد رہے کہ فی الحال ٹرانس جینڈر کھلاڑیوں کو ویمنز کرکٹ کھیلنے کی اجازت نہیں ہے۔ یہ پابندی آئی سی سی نے 2023 میں لگائی تھی۔