سونے کی قیمت میں نمایاں اضافہ

کراچی: ملک بھر میں سونے کی قیمت میں آج ایک بار پھر نمایاں اضافہ ریکارڈ کیا گیا ہے۔

آل پاکستان جیمز اینڈ جیولرز ایسوسی ایشن کے مطابق فی تولہ سونا 4,000 روپے مہنگا ہو کر 3 لاکھ 42 ہزار 500 روپے تک پہنچ گیا ہے، جب کہ 10 گرام سونے کی قیمت میں 3,429 روپے کا اضافہ ہوا، جس کے بعد نئی قیمت 2 لاکھ 93 ہزار 638 روپے ہوگئی ہے۔

عالمی مارکیٹ میں بھی سونے کی قیمت میں تیزی دیکھی گئی، جہاں فی اونس سونا 40 ڈالر کے اضافے سے 3,241 ڈالر میں فروخت ہو رہا ہے۔