شاہ محمود قریشی کی 9 مئی شادمان آتشزدگی کیس میں ضمانت منظور

لاہور: انسداد دہشتگردی عدالت (اے ٹی سی) نے پاکستان تحریک انصاف کے وائس چیئرمین شاہ محمود قریشی کی شادمان آتشزدگی کیس میں ضمانت منظور کر لی۔

فیصلہ کوٹ لکھپت جیل میں ہونے والی سماعت کے دوران جج منظر علی گل نے سنایا۔ گزشتہ روز قریشی کے وکلاء رانا مدثر عمر اور بیرسٹر تیمور ملک نے اپنے دلائل مکمل کیے تھے۔

واضح رہے کہ شاہ محمود قریشی نے یہ درخواست کئی ماہ قبل دائر کی تھی، جب کہ اسی مقدمے میں چند روز قبل سابق گورنر عمر سرفراز چیمہ کی بھی ضمانت منظور ہو چکی ہے۔