سکھ فار جسٹس نے پہلگام حملے کو "را” کا فالس فلیگ آپریشن قرار دیدیا

سرینگر: انسانی حقوق کی عالمی تنظیم سکھ فار جسٹس نے مقبوضہ کشمیر کے علاقے پہلگام میں سیاحوں پر ہونے والے حالیہ حملے کو بھارتی خفیہ ایجنسی "را” کا فالس فلیگ آپریشن قرار دیا ہے۔

تنظیم کے رہنما گرپتونت سنگھ پنوں کا کہنا ہے کہ اس حملے کی منظوری بھارتی قومی سلامتی کے مشیر اجیت دودل نے دی، جبکہ اس کے پیچھے ریاستی ایجنسیاں اور بی جے پی حکومت ملوث ہیں۔

گرپتونت سنگھ نے ماضی کا حوالہ دیتے ہوئے کہا کہ مارچ 2000 میں بھی امریکی صدر کلنٹن کے دورے کے موقع پر بھارت نے چھٹی سنگھ پورہ میں 35 سکھوں کا قتل کر کے دنیا کو گمراہ کیا تھا۔

سکھ فار جسٹس نے متاثرین کیلئے 5 لاکھ ڈالر امداد کا اعلان بھی کیا ہے۔

دوسری جانب کل جماعتی حریت کانفرنس نے حملے کی غیر جانبدارانہ تحقیقات کا مطالبہ کرتے ہوئے کہا ہے کہ یہ واقعہ کشمیر کی آزادی کی تحریک کو بدنام کرنے کی سوچی سمجھی سازش ہے۔

یاد رہے کہ گزشتہ روز بائی سرن وادی میں پیش آنے والے فائرنگ کے واقعے میں 26 سیاح ہلاک اور 8 زخمی ہوئے تھے۔ واقعے کے فوراً بعد بھارتی میڈیا اور سوشل میڈیا پر پاکستان مخالف پروپیگنڈا شروع کر دیا گیا۔