بھارتی فوج میں بدنظمی: لائن آف کنٹرول پر دو یونٹوں میں فائرنگ، 5 سکھ فوجی ہلاک

بھارتی فوج میں بڑھتی ہوئی بدنظمی کا ایک اور واقعہ منظرِ عام پر آیا ہے جہاں لائن آف کنٹرول (ایل او سی) پر بھارتی فوج کے دو یونٹوں کے درمیان فائرنگ کے تبادلے میں 5 سکھ فوجی جان کی بازی ہار گئے۔

ذرائع کے مطابق یہ افسوسناک واقعہ 25 اور 26 اپریل کی درمیانی شب بھارتی مقبوضہ کشمیر کے بارہ مولہ سیکٹر میں جپالہ پل کے علاقے میں پیش آیا۔ دورانِ گشت بارڈر سیکیورٹی فورس (بی ایس ایف) کی 185 ویں بٹالین نے مبینہ طور پر 13 سکھ لائٹ انفنٹری رجمنٹ پر فائرنگ کر دی، جو 12ویں بریگیڈ کے تحت کام کر رہی تھی۔

واقعے کے بعد 13 سکھ رجمنٹ کے اہلکار شدید مشتعل ہو گئے۔ دفاعی تجزیہ کاروں کے مطابق یہ واقعہ بھارتی فوج کے اندر پائی جانے والی مایوسی، بداعتمادی اور انضباطی بگاڑ کی علامت ہے۔

ماہرین کا کہنا ہے کہ اس قسم کے واقعات بھارتی فوج میں پہلے بھی ہو چکے ہیں، جو اس کے اندرونی مسائل کی نشاندہی کرتے ہیں۔

دوسری جانب پاک فوج ہر ممکن دفاع کے لیے مکمل طور پر تیار ہے اور کسی بھی بھارتی جارحیت کا منہ توڑ جواب دیا جائے گا۔