متحدہ عرب امارات نے تعلیمی دنیا میں ہلچل مچا دی، AI لازمی مضمون بن گیا!

متحدہ عرب امارات (یو اے ای) کی کابینہ نے تعلیم کے مستقبل کو تشکیل دینے کے لیے ایک جرات مندانہ قدم اٹھاتے ہوئے اعلان کیا ہے کہ اگلے تعلیمی سال سے تمام سرکاری اسکولوں — کنڈرگارٹن سے لے کر گریڈ 12 تک — میں مصنوعی ذہانت (آرٹیفیشل انٹیلیجنس یا AI) کو لازمی مضمون بنایا جائے گا۔

اس فیصلے کا اعلان کرتے ہوئے وزیر اعظم شیخ محمد بن راشد المکتوم نے کہا کہ نیا نصاب نہ صرف تکنیکی مہارتیں سکھائے گا بلکہ روزمرہ زندگی میں AI کے اخلاقی اور عملی استعمالات پر بھی روشنی ڈالے گا۔

وزارت تعلیم نے ایک مکمل AI نصاب تیار کیا ہے تاکہ طلبہ کو تیزی سے بدلتی ہوئی دنیا کے لیے تیار کیا جا سکے اور انہیں مستقبل کی مہارتوں سے آراستہ کیا جا سکے۔