مریم نواز نے راشن کارڈ سے متعلق بڑی خوشخبری سنا دی

وزیر اعلیٰ پنجاب مریم نواز نے کہا ہے کہ 15 لاکھ گھرانوں کو جلد راشن کارڈ جاری کیے جائیں گے۔

وزیر اعلیٰ کی زیر صدارت کابینہ اجلاس میں پنجاب فرٹیلائزر کنٹرول ایکٹ کی خلاف ورزی پر جرمانے بڑھانے اور پنجاب آرمز آرڈیننس کی خلاف ورزی پر جرمانے اور سزائیں مزید سخت کرنے کا فیصلہ کیا گیا۔

پیدائش اور وفات کے رجسٹریشن سرٹیفکیٹ کی فیس ایک سال کیلئے معاف کر دی گئی۔

مریم نواز نے پنجاب میں چاول کی دو فصلیں کاشت کرنے کی پابندی کی تجویز کو مسترد کر دیا اور مستحق افراد کو مفت قانونی امداد فراہم کرنے کیلئے پنجاب لیگل ایڈ رولز میں ترمیم کی منظوری دی۔

وزیر اعلیٰ نے کہا کہ "کسی صوبے کا پانی نہیں لے رہے، ہم جواب دیں گے”۔ انہوں نے مزید کہا کہ "حکومت آتے ہی سفارشوں کا دباؤ آیا، لیکن ہم نے کسی سفارش پر عمل نہیں کیا۔ لا آفیسرز کی تعیناتی 100 فیصد میرٹ پر ہونی چاہیے۔”

مریم نواز نے یہ بھی بتایا کہ 25 لاکھ 64 ہزار گھرانوں کو رمضان پیکیج کے چیک مل چکے ہیں اور وفاقی حکومت سمیت دیگر صوبوں نے پنجاب کے رمضان پیکیج کو فالو کیا۔