معروف بھارتی کرکٹر کا کرکٹ سے ریٹائرمنٹ کا اعلان

بھارتی کرکٹ ٹیم کے کپتان روہت شرما نے ٹیسٹ کرکٹ سے ریٹائرمنٹ کا اعلان کر دیا ہے، تاہم انہوں نے واضح کیا ہے کہ وہ ون ڈے انٹرنیشنل (ODI) فارمیٹ میں ملک کی نمائندگی جاری رکھیں گے۔

38 سالہ روہت شرما نے بدھ کے روز انسٹاگرام پر اپنی اسٹوری میں مداحوں کو اطلاع دیتے ہوئے کہا:
"سب کو سلام، میں یہ شیئر کرنا چاہتا ہوں کہ میں ٹیسٹ کرکٹ سے ریٹائر ہو رہا ہوں۔ سفید لباس میں اپنے ملک کی نمائندگی کرنا میرے لیے اعزاز کی بات رہی۔ برسوں کی محبت اور حمایت کا شکریہ۔ میں ون ڈے فارمیٹ میں بھارت کی نمائندگی جاری رکھوں گا۔”

روہت اس سے قبل ٹی 20 انٹرنیشنل کرکٹ کو خیرباد کہہ چکے ہیں، جب انہوں نے بھارت کو 2024 کے ٹی 20 ورلڈ کپ میں ویسٹ انڈیز میں فتح دلائی تھی۔

روہت شرما نے 2013 میں ٹیسٹ کرکٹ میں ڈیبیو کیا تھا اور جلد ہی وہ بھارتی ٹیسٹ بیٹنگ لائن اپ کا اہم حصہ بن گئے۔