معرکہ حق: شہداء اور زخمیوں کی تفصیلات جاری

پاکستان فوج کے شعبہ تعلقات عامہ (آئی ایس پی آر) نے بھارتی مسلح افواج کی بلا اشتعال جارحیت کے خلاف جاری "معرکہ حق” کے دوران ہونے والے جانی نقصانات کی تفصیلات جاری کر دی ہیں۔

آئی ایس پی آر کے مطابق 6 اور 7 مئی کی درمیانی شب بھارتی افواج نے وحشیانہ حملے کیے جن میں عام شہریوں کو نشانہ بنایا گیا۔ ان حملوں کے نتیجے میں 40 معصوم شہری شہید ہوئے، جن میں 7 خواتین اور 15 بچے بھی شامل ہیں۔ اس کے علاوہ 121 شہری زخمی ہوئے جن میں 10 خواتین اور 27 بچے شامل تھے۔

بھارتی جارحیت کے جواب میں پاکستان کی مسلح افواج نے "معرکہ حق” کے تحت بھرپور اور منہ توڑ جوابی کارروائی کی، جسے "آپریشن بنیان مرصوص” کا نام دیا گیا۔ مادرِ وطن کا دفاع کرتے ہوئے 11 جوان شہید اور 78 زخمی ہوئے۔

آئی ایس پی آر کی جانب سے جاری کی گئی فہرست کے مطابق پاک فوج کے شہداء میں:

• نائیک عبدالرحمن

• لانس نائیک دلاور خان

• لانس نائیک اکرام اللہ

• نائیک وقار خالد

• سپاہی محمد عدیل اکبر

• سپاہی نثار

جبکہ پاک فضائیہ کے شہداء میں:

• سکواڈرن لیڈر عثمان یوسف

• چیف ٹیکنیشن اورنگزیب

• سینئر ٹیکنیشن نجیب

• کارپورل ٹیکنیشن فاروق

• سینئر ٹیکنیشن مبشر