ملک بھر میں سونے کی قیمت میں بڑا اضافہ

کراچی: ملک بھر میں سونے کی قیمت میں غیر معمولی اضافہ ریکارڈ کیا گیا ہے۔

آل پاکستان جیمز اینڈ جیولرز ایسوسی ایشن کے مطابق فی تولہ سونا 6600 روپے مہنگا ہو کر 3 لاکھ 56 ہزار 800 روپے کا ہو گیا۔

اسی طرح 10 گرام سونے کی قیمت میں 5658 روپے اضافہ ہوا، جس کے بعد نئی قیمت 3 لاکھ 5 ہزار 898 روپے ہو گئی۔

عالمی مارکیٹ میں بھی سونا مہنگا ہوا ہے، جہاں فی اونس قیمت 66 ڈالر کے اضافے سے 3348 ڈالر تک پہنچ گئی۔

واضح رہے کہ گزشتہ روز بھی سونے کی فی تولہ قیمت میں 800 روپے اضافہ ریکارڈ کیا گیا تھا۔