عمرہ ویزوں کا اجراء کب سے ہوگا؟ تاریخ کا اعلان ہوگیا

سعودی وزارتِ حج و عمرہ نے اعلان کیا ہے کہ بیرونِ ملک سے آنے والے افراد کے لیے عمرہ ویزے 14 ذوالحجہ 1446ھ (11 جون 2025) سے دوبارہ جاری کیے جائیں گے، جو رمضان المبارک کے اختتام تک جاری رہیں گے۔

وزارت کے مطابق یکم شوال سے ویزوں کا اجرا بند ہوگا، اور صرف جاری شدہ ویزوں والے افراد کو 15 شوال 1447ھ تک مملکت میں داخلے کی اجازت ہوگی۔ عمرہ زائرین کو 15 ذوالقعدہ 1447ھ سے پہلے واپس جانا ہوگا۔

یہ پابندیاں حج سیزن میں ازدحام سے بچنے کے لیے عائد کی گئی ہیں تاکہ حجاج کو سہولت میسر آ سکے۔

دوسری جانب، بغیر اجازت حج کی خلاف ورزیوں پر سعودی حکومت نے سخت اقدامات کا اعلان کیا ہے۔ بغیر اجازت حج کرنے والوں پر 10 ہزار سے 1 لاکھ ریال تک جرمانہ، قید، ملک بدری اور 10 سالہ پابندی عائد کی جائے گی۔

سفیر پاکستان احمد فاروق کے مطابق گزشتہ سال 11 ہزار پاکستانی ویزہ ختم ہونے کے بعد مکہ میں قیام پذیر رہے۔ حکومت پاکستان نے اس سال زائرین کو سیلیس بینڈز فراہم کیے ہیں تاکہ نگرانی بہتر بنائی جا سکے۔ مقررہ مدت سے زیادہ قیام کو "سنگین جرم” قرار دیا گیا ہے۔