معروف ٹک ٹاکر غیرت کے نام پر قتل

ضلع خوشاب کی تحصیل نور پور تھل میں معروف ٹک ٹاکر اقراء عرف "تھل کی شہزادی” کو مبینہ طور پر غیرت کے نام پر قتل کر دیا گیا۔ پولیس کے مطابق، انہیں ان کے ہی گھر میں کزن نے فائرنگ کر کے قتل کیا۔

ڈی پی او خوشاب توقیر محمد نعیم کے مطابق، ملزم سوشل میڈیا پر مقتولہ کی سرگرمیوں سے ناخوش تھا اور طیش میں آ کر یہ اقدام کیا۔ اقراء موقع پر ہی جاں بحق ہو گئیں۔

پولیس نے فوری کارروائی کرتے ہوئے ملزم کو گرفتار کر لیا ہے اور مقدمہ درج کر کے تفتیش شروع کر دی گئی ہے۔

اقراء مقامی سطح پر ایک مقبول ٹک ٹاکر تھیں، جبکہ واقعے کے بعد انسانی حقوق کی تنظیموں نے خواتین کے تحفظ اور غیرت کے نام پر ہونے والے تشدد کے خلاف مؤثر اقدامات کا مطالبہ کیا ہے۔