پاکستان کے میزائل حملوں نے بھارت کو سیزفائر پر مجبور کیا، امریکی صحافی

امریکی صحافی نک رابرٹسن نے انکشاف کیا ہے کہ پاکستان کے میزائل حملوں نے بھارت کو سیزفائر پر مجبور کیا ہے۔

سی این این کے انٹرنیشنل ڈپلومیٹک ایڈیٹر نک رابرٹسن نے ایک انٹرویو میں انکشاف کیا ہے کہ پاکستان اور بھارت کے درمیان حالیہ سیزفائر عالمی سفارتی کوششوں کا نتیجہ ہے، لیکن بھارت کی جانب سے پاکستان کی ایئر بیسز پر حملے کے بعد صورت حال یکسر بدل گئی۔

نک رابرٹسن کے مطابق بھارتی حملے کے جواب میں پاکستان نے نہ رکنے والے میزائلوں کی بارش کر دی، جس کے بعد بھارت مذاکرات کی میز پر آنے کیلئے تیار ہوا۔ ان حملوں نے بھارتی قیادت کو پیچھے ہٹنے پر مجبور کر دیا۔

انہوں نے مزید بتایا کہ امریکی وزیر خارجہ نے سعودی عرب اور ترکیہ کے حکام سے فوری رابطہ کیا، جس کے بعد سفارتی ذرائع سے کشیدگی کم کرنے میں مدد ملی اور بالآخر سیزفائر ممکن ہو سکا۔

یاد رہے کہ پاکستان نے آپریشن بُنْيَانٌ مَّرْصُوْص (آہنی دیوار) کے تحت بھارت کے 10 سے زائد اہم فوجی اہداف کو کامیابی سے نشانہ بنایا تھا، جس سے بھارت کو بھاری نقصان اٹھانا پڑا۔