بانی پی ٹی آئی کا تیسری بار پولی گراف ٹیسٹ سے انکار

اڈیالہ جیل میں قید بانی پی ٹی آئی عمران خان نے تیسری بار پولی گراف ٹیسٹ کرانے سے انکار کر دیا۔

ذرائع کے مطابق لاہور پولیس کی تفتیشی ٹیم ڈی ایس پی آصف جاوید کی سربراہی میں 9 مئی کے مقدمات کے سلسلے میں ٹیسٹ کے لیے جیل پہنچی تھی، مگر عمران خان نے تعاون سے انکار کر دیا۔

تین دن سے لاہور پولیس پولی گراف، فوٹو گرامیٹک اور وائس میچنگ ٹیسٹ کے لیے کوشش کر رہی ہے، تاہم تاحال پیش رفت نہ ہو سکی۔