پہلگام واقعے کے بعد مودی حکومت پر بھارت میں ہی سوالات اٹھنے لگے

عام آدمی پارٹی کے ایک رہنما نے اس واقعے سے متعلق بھارتی حکومت کے اقدامات پر سخت تنقید کرتے ہوئے کہا کہ اس تمام صورتحال کا نقصان صرف بھارت کو ہو رہا ہے۔

انہوں نے سوال اٹھایا کہ لائن آف کنٹرول (ایل او سی) سے 200 کلومیٹر اندر سخت سکیورٹی کے باوجود مسلح افراد کیسے داخل ہوئے، حملہ کیا اور پھر بغیر پکڑے کیسے فرار ہو گئے؟

انہوں نے مزید کہا کہ بی جے پی حکومت کو قومی سلامتی جیسے سنجیدہ معاملات کا مذاق اڑانا بند کرنا ہوگا اور بھارتی عوام کو سچائی بتانی ہوگی۔

رہنما نے پلوامہ واقعے پر بھی شدید تحفظات کا اظہار کرتے ہوئے اس کے اصل محرکات پر کئی اہم سوالات اٹھائے۔

آخر میں انہوں نے کہا کہ اب مودی حکومت جھوٹے بیانیے دکھا کر مزید نہیں چل سکتی، اسے عوام کے سامنے سچ بول کر جوابدہ ہونا پڑے گا۔