ڈی جی آئی ایس پی آر نے بھارت کیخلاف ویڈیوز اور آڈیوز پر مبنی ثبوت پیش کر دیئے

راولپنڈی: ڈی جی آئی ایس پی آر لیفٹیننٹ جنرل احمد شریف چوہدری کا کہنا ہے کہ مقبوضہ کشمیر کے علاقے نوشہرہ سے میجر سندیپ نے کال میں اعتراف کیا کہ پاکستان میں بلوچستان سے لاہور تک دہشت گردی کر رہے ہیں۔

ڈی جی آئی ایس پی آر نے اہم میڈیا بریفنگ میں بتایا کہ پاکستان میں دہشت گردی کیلئے میجر سندیپ ورما نے دہشتگرد کو پیسے دیئے۔ بھارتی خفیہ ایجنسی را پاکستان میں دہشت گردی کو فروغ دے رہی ہے۔ بھارتی حکومت بھی سرحد پار دہشتگردی میں ملوث ہے۔

لیفٹیننٹ جنرل احمد شریف چوہدری نے مزید بتایا کہ بھارت نے پہلگام واقعے کے کوئی ثبوت نہیں دیئے۔ بھارت نے پاکستان پر بے بنیاد الزامات لگائے۔ بھارت میں زبانی جمع خرچ چل رہا ہے۔

ڈی جی آئی ایس پی آر نے بتایا کہ 25 اپریل کو جہلم سے ایک بھارتی دہشت گرد پکڑا گیا۔ بھارت دہشت گرد کے گھر سے بھارتی ساختہ ڈرون برآمد ہوا۔ بھارتی فوج کا جونیئر کمیشنڈ آفیسر سکھوندر سنگھ دہشت گرد کا سہولت کار تھا۔