احمد شاہ کے چھوٹے بھائی عمر شاہ رضائے الٰہی سے انتقال کر گئے

پاکستان کے مشہور سوشل میڈیا اسٹار احمد شاہ کے چھوٹے بھائی عمر شاہ رضائے الٰہی سے انتقال کر گئے۔

عمر شاہ کو اپنے بھائی کے ساتھ نجی ٹی وی چینل کی رمضان ٹرانسمیشن میں دیکھا جاتا رہا، جبکہ ان کے کئی کلپس سوشل میڈیا پر بھی وائرل ہوئے تھے۔

پیر کی صبح احمد شاہ کے تصدیق شدہ فیس بک اکاؤنٹ پر عمر کے انتقال کی خبر شیئر کی گئی، تاہم پوسٹ میں موت کی وجہ بیان نہیں کی گئی۔ اس افسوسناک اطلاع کے بعد مداحوں نے احمد شاہ اور ان کے خاندان سے تعزیت کا اظہار کیا۔

یاد رہے کہ گزشتہ سال جولائی میں عمر شاہ کی آنکھوں کا موتیا آپریشن ہوا تھا، تاہم ان کے انتقال کی اصل وجہ اب تک سامنے نہیں آسکی۔