پاکستان مخالف ڈائیلاگ، یاسر حسین کا دلچسپ جواب

پاکستانی اداکار اور ہدایت کار یاسر حسین نے بالی ووڈ اداکار سنی دیول کے ایک پاکستان مخالف ڈائیلاگ پر سوشل میڈیا پر طنزیہ ردعمل دیا، جس کی ویڈیو تیزی سے وائرل ہو رہی ہے۔ یہ معاملہ بھارتی فلم بارڈر 2 کی پروموشن کے دوران سامنے آیا، جس کے بعد سنی دیول کے پاکستان مخالف ڈائیلاگ پر یاسر حسین کا طنزیہ جواب سوشل میڈیا پر زیرِ بحث بن گیا۔

بھارت میں ایک بار پھر پاکستان مخالف موضوع پر مبنی فلم بنائی گئی ہے، جس کا نام بارڈر 2 ہے۔ اس فلم میں مرکزی کردار سنی دیول ادا کر رہے ہیں اور اسے حب الوطنی کے جذبے سے جوڑ کر پیش کیا جا رہا ہے۔

فلم کی تشہیر کے دوران سنی دیول نے ایک ڈائیلاگ بولا جس میں انہوں نے کہا کہ آواز لاہور تک جانی چاہیے۔ تاہم یہ ڈائیلاگ ادا کرتے وقت ان کی آواز لڑکھڑا گئی، جس کی ویڈیو سوشل میڈیا پر وائرل ہو گئی۔

مزید پڑھیں: صبا قمر نے وزیراعلیٰ پنجاب مریم نواز کے اقدامات کی تعریف کر دی

اس وائرل ویڈیو کو یاسر حسین نے اپنے انسٹاگرام اکاؤنٹ کی اسٹوری پر شیئر کیا اور طنز کرتے ہوئے لکھا کہ انکل کی تو اپنی آواز ہی نہیں نکل رہی۔ ان کے اس تبصرے کو صارفین نے خوب سراہا۔

بعد ازاں سنی دیول کے پاکستان مخالف ڈائیلاگ پر یاسر حسین کا طنزیہ جواب دیکھ کر پاکستانی صارفین نے بھی ردعمل دیا۔ کئی افراد نے سنی دیول کو تنقید کا نشانہ بنایا جبکہ کچھ نے ڈائیلاگ کا مذاق اڑاتے ہوئے تبصرے کیے، جس سے یہ معاملہ مزید وائرل ہو گیا۔