آئرش باکسر جان کوونی ٹائٹل فائٹ میں دماغی چوٹ لگنے سے چل بسے

آئرش باکسر جان کوونی 28 سال کی عمر میں لڑائی میں دماغی چوٹ لگنے سے انتقال کر گئے۔

باکسر کے پروموٹر مارک ڈنلوپ نے انسٹاگرام پر ایک پوسٹ میں کہا کہ انتہائی افسوس کے ساتھ ہمیں یہ اعلان کرنا پڑ رہا ہے کہ جان کوونی اپنی زندگی کی آخری مقابلے کے ایک ہفتے بعد انتقال کر گئے ہیں۔

ڈنلوپ نے مزید کہا کہ وہ ایک بہت پیارا بیٹا، بھائی اور ساتھی تھا اور ہمیں یہ بھولنے میں ساری زندگی لگ جائے گی کہ وہ کتنا خاص تھا۔

واضح رہے کہ کوونی یکم فروری کو بیلفاسٹ کے السٹر ہال میں ویلش مین ناتھن ہویلز کے خلاف اپنے سیلٹک سپر فیدر ویٹ ٹائٹل کا دفاع کر رہے تھے جب نویں راؤنڈ میں باؤٹ روک دیا گیا۔

اسے علاج کے لیے بیلفاسٹ کے رائل وکٹوریہ ہسپتال لے جایا گیا، جہاں رپورٹ سامنے آنے کے بعد پتہ چلا کہ فائٹر کونی میں برین ہیمرج کی تشخیص ہوئی ہے۔

پروموٹر نے کہا کہ کونی کے گھر والے ہسپتال کے عملے کا شکریہ ادا کرنا چاہیں گی جنہوں نے جان کی زندگی بچانے کے لیے انتھک محنت کی اور ہر اس شخص کے لیے جنہوں نے مدد اور دعاؤں کے پیغامات بھیجے۔