اسلام آباد خودکش دھماکا: اقوام متحدہ کی مذمت اور انصاف کا مطالبہ

اقوام متحدہ نے اسلام آباد خودکش دھماکا کی سخت مذمت کرتے ہوئے مطالبہ کیا ہے کہ دہشت گردی میں ملوث افراد کو انصاف کے کٹہرے میں لایا جائے۔ اقوام متحدہ کے سیکرٹری جنرل انتونیو گوتریس نے واقعے پر افسوس کا اظہار کیا اور متاثرہ خاندانوں سے تعزیت کی۔ انہوں نے زخمیوں کی جلد صحت یابی کے لیے دعا بھی کی۔

انتونیو گوتریس نے اپنے بیان میں کہا کہ اسلام آباد میں ہونے والا خودکش حملہ ایک افسوسناک واقعہ ہے، اور اس کی مکمل اور شفاف تحقیقات ہونی چاہیے۔ انہوں نے زور دیا کہ جو عناصر اس دہشت گردی کے ذمہ دار ہیں، انہیں قانون کے مطابق سخت سزا دی جائے۔

سیکرٹری جنرل نے مزید کہا کہ اقوام متحدہ دہشت گردی کے خلاف پاکستان کے ساتھ کھڑی ہے۔ ان کا کہنا تھا کہ ایسے حملے انسانیت کے خلاف جرم ہیں اور عالمی برادری کو مل کر ان کے خاتمے کے لیے کام کرنا ہوگا۔

مزید پڑھیں: اسلام آباد جی الیون کچہری خودکش دھماکا، 12 افراد شہید

واضح رہے کہ منگل کی دوپہر جی الیون سیکٹر میں کچہری کے قریب ہونے والے اسلام آباد خودکش دھماکا میں 12 افراد شہید اور متعدد زخمی ہوئے۔ پولیس کے مطابق حملہ آور موٹر سائیکل پر سوار تھا جس نے پولیس کی گاڑی کے قریب پہنچ کر خود کو دھماکے سے اڑا لیا۔ دھماکے کے نتیجے میں قریبی گاڑیوں میں آگ لگ گئی اور جائے وقوعہ کو فوراً سیل کر دیا گیا۔

اقوام متحدہ کے ترجمان نے کہا کہ اسلام آباد خودکش دھماکا کے ذمہ داروں کو انصاف کے کٹہرے میں لانا بین الاقوامی برادری کی مشترکہ ذمہ داری ہے۔ ترجمان کے مطابق عالمی ادارہ دہشت گردی کے خلاف پاکستان کی کوششوں کو سراہتا ہے اور متاثرہ خاندانوں کے ساتھ ہمدردی کا اظہار کرتا ہے۔